स्वावलम्बन लघुवित्तको सेयर कारोबार रोक्का, नेप्सेले सोध्यो ३ दिने स्पष्टीकरण

Citizen Life Insurance Co

काठमाडौं । स्वावलम्बन लघुवित्तको सेयर कारोबार रोक्का भएको छ । नेप्सेले कम्पनीलाई ३ दिने स्पष्टीकरण माग गर्दै सूचीकरण पनि स्थगन गरेको जनाएको छ । संस्थाले गत वर्षको नाफाबाट लगानीकर्तालाई २६ प्रतिशत बोनस सेयर र १४ प्रतिशत नगद लाभांश वितरण गर्ने प्रस्ताव साधारण सभाबाट पारित गरिसकेको छ । कम्पनीले लगानीकर्ताको खातामा नगद लाभांश पनि पठाइसकेको छ ।

बोनस भने खातामा पठाउन बाँकी छ । तर यही बेला कम्पनी रजिष्ट्रारको कार्यालयबाट पुँजी वृद्धि योजनामै प्रश्न उठाउँदै नेप्सेलाई पत्र पठाएको छ । नेप्सेले कम्पनी रजिष्ट्रार कार्यालयबाट पत्र पाएपछि अन्योलता उत्पन्न भएको भन्दै सूचीकरण स्थगन गरेको हो । समस्या निराकरण नहुँदा सम्म सूचीकरण स्थगन गरिएको नेप्सेले जनाएको छ ।

यसँसगै साधारण सभाबाट समेत पारित भइसकेको २६५ बोनस अब लगानीकर्ताले पाउने या नपाउने भन्नेमा समेत अन्योल उत्पन्न भएको छ । लगानीकर्ताको हित विपरीत काम भएको भन्दै नेप्सेले सूचीकरण स्थगन तथा कारोबार रोकेर स्पष्टीकरण समेत मागेको हो ।

प्रतिक्रिया दिनुहोस्

सम्बन्धित समाचार