काठमाडौं । स्वदेशी लघुवित्त वित्तीय संस्था लिमिटेडले चालु आर्थिक वर्षको दोस्रो त्रैमासको वित्तीय विवरण प्रकाशन गरेको छ । संस्थाले यस अवधिसम्ममा ४ करोड ८२ लाख रुपैयाँ खुद नाफा आर्जन गरेको छ । गत आर्थिक वर्षको सोही अवधिमा संस्थाले २ करोड ६४ लाख रुपैयाँ नाफा कमाएको थियो । गत आर्थिक वर्षको सोही अवधिको तुलनामा संस्थाको नाफा ८२ दशमलव ४६ प्रतिशतले बढी हो ।
लघुवित्तले पुस मसान्तसम्ममा १५ करोड ४८ लाख रुपैयाँ खुद ब्याज आम्दानी गरेको छ । समीक्षा अवधिमा लघुवित्तको सञ्चालन मुनाफा ३ करोड ३७ लाख बढेर ७ करोड ५८ लाख रुपैयाँ पुगेको छ ।
२ करोड ७६ लाख रुपैयाँ चुक्ता पूँजी रहेको यस लघुवित्तको जगेडा कोषमा १४ करोड ७९ लाख रुपैयाँ सञ्चित छ । समिक्षा अवधिसम्ममा लघुवित्तले १ अर्ब १९ करोड ६ लाख रुपैयाँ निक्षेप र २ अर्ब ६० करोड ६१ लाख रुपैयाँ सापटीबाट ३ अर्ब ७७ करोड ८२ लाख रुपैयाँ कर्जा परिचालन गरेको छ ।
लघुवित्तको प्रतिशेयर आम्दानी ३४ रुपैयाँ ९८ पैसा कायम भएको छ । प्रतिशेयर नेटवर्थ १५३ रुपैयाँ ६२ पैसा कायम भएको छ । लघुवित्तको मूल्य आम्दानी अनुपात २१.१० गुणा रहेको छ ।
