एजेन्सीहरु । खाडी मुलुक दुबईको केन्द्रीय विमानस्थल भारी वर्षापछि अबरुद्ध भएको छ । अत्याधिक वर्षापछि जहाजहरु पानीमा डुबेका छन् भने उडान र अवतरण अबरुद्ध भएका छन् । दुबईको सेन्ट्रल विमानस्थल पानीले डुबेको हो । विश्वकै व्यस्त विमानस्थल पानीले डुब्दा लाखौं यात्रुहरु प्रभावित भएका छन् । विमानस्थलले बैकल्पिक माध्यमबाट यात्रा गराउने प्रयास जारी रहेको दुबई सरकारले जनाएको छ ।
अत्याधिक पानी परेका कारण जहाजहरु समेत पानीमा डुबेको दृष्य देखिएको छ । दुबईको यो विमानस्थल विश्वकै व्यस्त विमानस्थलहरुमध्ये एक हो । शनिबार भारी वर्षाका कारण जलमग्न भएपछि सयौं उडान स्थगित भएका छन् ।
दुबईमा शनिबार साढे दुई घण्टासम्म प्रतिघण्टा १५० मिलिलिटरका दरले पानी परेको स्थानीय मौषम विभागले जनाएको छ ।
https://twitter.com/breakingavnews/status/1216072701170855937
कति जहाजमा पानीका कारण असर गर्यो भन्ने खुल्न बाँकी छ । शनिबार परेको ठूलो वर्षापछि दुबईमा करोडौं रुपैयाँको क्षति पुगेको जनाईएको छ । सो क्षतिको ठूलो रकम बीमा दावी पर्ने अनुमान गरिएको छ ।
