दमक । नेपाल लाइफ इन्स्योरेन्सको अभिकर्ता भेला कार्यक्रम सम्पन्न भएको छ । कम्पनीको पूर्वाञ्चल क्षेत्रीय कार्यालय इटहरीको आयोजनामा मोरङको उर्लाबारीमा उक्त कार्यक्रम सम्पन्न भएको हो ।
कम्पनीका प्रमुख कार्यकारी अधिकृत बिबेक झाको प्रमुख आतिथ्यमा सम्पन्न भएको कार्यक्रममा पूर्वका ६७५ जना अभिकर्ता सहभागी भएका थिए । अभिकर्ताको कार्य क्षमता अभिवृद्धि र व्यवसायिक रणनीति निर्माणको उद्देश्यले उक्त कार्यक्रमको आयोजना गरिएको कम्पनीले जनाएको छ ।
कार्यक्रम प्रक्षिणको रुपमा अन्तराष्ट्रिय उत्प्रेरक बिके शर्मा रहेका थिए । उनले मोटिभेसनल सम्बन्धि तालिम दिएका थिए । त्यस्तै, कार्यक्रममा कम्पनीको भावी रणनीति र व्यवसाय बृद्धिका बारेमा छलफल र योजना निर्माण समेत गरिएको कम्पनीले जनाएको छ ।
कार्यक्रममा पेशागत बीमा अभिकर्ताका केन्द्रीय सचिब रामकुमार बुढाथोकी, केन्द्रीय सदस्य गणेश अधिकारी, सी.पी.कडरिया, बीमक समिति नेपाल लाइफका केन्द्रीय सदस्य चन्द्रकला सुवेदी, सूर्यप्रसाद दाहाल, तेजप्रसाद तिवारी र तेजमणि प्रसाईं, विभिन्न शाखाका अध्यक्ष र पदाधिकारी एवम् सदस्यहरु समेतको सहभागिता भएको उक्त कार्यक्रममा व्यवसायमा उच्च योगदान पुर्याउने अभिकर्ता तथा एजेन्सी म्यानेजरहरुलाई सम्मान गरिएको थियो ।
त्यस्तै, कार्यक्रममा बेदनारायण गोदार, भवेश थापा, कमला थापा, झलकमणि भट्टराई, बिर्तामोडबाट यामप्रसाद खरेल चन्द्रगढी, अमृतमणि खतिवडा धरान, मोकेन्द्र यादव, दसरथ दास, कैलाश झा राजबिराज, सञ्जय कुमार साह लहान र गुनेस्वर राउत विराटनगर सम्मानित भएका थिए ।
