जनउत्थान लघुवित्तका कर्मचारीलाई ट्याब्लेट बैंकिङ्ग तालिम

काठमाडौं । जनउत्थान सामुदायिक लघुवित्त वित्तीय संस्थाले फिल्ड कर्मचारीहरुलाई दिएको दुई दिने ट्याब्लेट बैंकिङ सम्बन्धि अभिमुखीकरण तालिम सम्पन्न भएको छ ।

लघुवित्तले सक्षम वित्तीय पहुँच परियोजना संगको सहकार्यमा ट्याब्लेट बैंकिङ्ग सेवा सुचारु गर्नका लागि परियोजना जिल्ला अन्र्तगतका रुपन्देही, कपिलबस्तु र दाङ्ग जिल्लाका १० वटा शाखा कार्यालयमा कार्यरत ४६ जना कर्मचारीहरुलाई ट्याब्लेट बैंकिङ्ग सेवासंग सम्बन्धि तालिम दिएको हो ।

कार्यक्रमको उद्घाटन गदै संस्थाका अध्यक्ष बावुराम विश्वकर्माले सम्पूर्ण कर्मचारीहरुलाई सदैव संस्थाको हकहित र लक्ष्य प्राप्तिका लागि संस्थागत सुशासनलाई ख्याल गरी कार्य गर्न सुझाव दिए ।ट्याब्लेट बैकिङ्गको उदेश्य र यसका फाईदा, सैद्धान्तिक तथा ब्यवहारिक विषयहरुमा संस्थाका कर्मचारी इन्द्र बराली, सन्तोष रसाइली, ई.प्रकाश भण्डारी र सिनर्जी टेकका अभिषेक के.सी. र एलिश निरौलालले प्रशिक्षण गरेका थिए ।

हाल १९ जिल्ला कार्य क्षेत्र रहेको र ३९ वटा शाखा कार्यालय मार्फत करिव ४० हजार समुह सदस्यहरुलाई लघुवित्त सेवा प्रदान गर्दै आइरहेको छ ।

प्रतिक्रिया दिनुहोस्

सम्बन्धित समाचार