काठमाडौं । नेशनल लाईफ इन्स्योरेन्सले स्वर्गीय सुचिता खनालको मृत्यु बीमा दावी भुक्तानी गरेको छ । कम्पनीले आज एक कार्यक्रम आयोजना गरी उक्त रकम भुक्तानी गरेको हो ।
उनले तीन वर्ष अघि ५० लाख रुपैयाँको जीवन बीमा गरेकी थिइन् । कम्पनीले अहिले वोनस सहित ६२ लाख २० हजार रकम बीमा दावी वापत भुक्तानी गरेका हो । उक्त रकम कम्पनीको कार्यकारी प्रमुख भरत बस्नेतले स्व.सुचिता खनालका श्रीमान एवं पूर्व अर्थसचिव रामेश्वर प्रसाद खनाललाई हस्तान्तरण गरेका छन् ।
उक्त दावी छोटो समयमा नै आवश्यक कागजात पेश भएपछि यथाशिघ्र फर्छौट गरिएको कम्पनीले जनाएको छ । बिमित खनालको उपचारको क्रममा यहि असोज २१ गते मृत्यु भएको थियो ।
