काठमाडौं । नेपालमा रहेको दुई सय ४४ जना तेस्रो लिङ्गीले नेपाल सरकारले अघि सारेको स्वास्थ्य बीमा गराएका छन् । स्वास्थ्य बीमा बोर्डको तथ्याङक अनुसार कूल हालसम्म आबद्ध २२ लाख ३२ हजार छ हजार ६ सय ६८ जना नेपाली नागरिकमध्ये २४४ जना तेस्रो लिङ्गी अर्थात अन्य लिङ्गीहरु स्वास्थ बीमामा सहभागी भएका छन् ।
स्वास्थ्य बीमा सहभागीहरुमध्ये तेस्रो लिङ्गीको संख्या हरेक प्रदेशमा देखिएको छ । आर्थिक बर्ष २०७५।७६ मा कूल नौ लाख ५१ हजार ९ सय ४६ जनाले स्वास्थ्य बीमा गराएका बीमीतमध्ये १३१ जना तेस्रो लिङ्गी छन् ।
गत आर्थिक बर्षमा कूल चार लाख ९५ हजार ८ सय ६० जना महिला, चार लाख ५५ हजार ९ सय ५५ पुरुष र १३१ जना तेस्रो लिङ्गीले स्वास्थ्य बीमामा सहभागिता जनाएको बोर्डले जनाएको छ ।
स्वास्थ्य बीमा बोर्डको तथ्याङ्क अनुसार प्रदेश नं १ बाट ३४ जना, प्रदेश नं २ बाट ११ जना, प्रदेश नं ३ बाट २४ जना, गण्डकी प्रदेशबाट १७, प्रदेश नं ५ बाट २२ जना, कर्णाली प्रदेशबाट १३ जना र सुदूर पश्चिम प्रदेशबाट १० जना तेस्रो लिङ्गी स्वास्थ बीमामा सहभागी भएका हुन् ।
स्रोत : स्वास्थ्य बीमा बोर्ड
