काठमाडौं । महालक्ष्मी विकास बैंकको १७ दशमलव ८९ प्रतिशत लाभांश सुरक्षित गर्ने आज अन्तिम दिन रहेको छ । कम्पनीले कात्तिक २९ गते साधारण सभा गर्न कात्तिक बुधबार २० गतेदेखि कात्तिक २९ गतेसम्म बुक क्लोज गर्दैछ ।
साधारण सभा अल इन वान मार्ट क्राउन बैंक्वेट, मिनभवन काठमाडौंमा बिहान १० बजे सुरु हुने बैंकले जनाएको छ । बैंकले आर्थिक वर्ष २०७५/७६ को नाफाबाट ८ प्रतिशत बोनस र ९ दशमलव ८९ प्रतिशत नगद गरी कुल १७ दशमलव ८९ प्रतिशत लाभांश दिने प्रस्ताव उक्त सभामा पेश गर्दैछ ।
सभाले प्रस्तावित लाभांश पारित गरेपछि वितरण प्रक्रिया सुरु हुनेछ । सभाबाट बैंकले सेयर संरचना परिवर्तन गरी संस्थापक हिस्सा ५२.४९ प्रतिशत र सर्वसाधारण हिस्सा ४७.५१ प्रतिशत बनाउने भएको छ ।
बैंकले अन्य कुनै वित्तीय संस्थामा गाभ्न– गाभिन परेमा त्यसको सम्पूर्ण अख्तियारी सञ्चालक समितिलाई दिने एजेन्डा पेश गर्नेछ छ ।
त्यस्तै, सभामा कम्पनीको आर्थिक वर्ष २०७५–७६ को नाफानोक्सान सम्बन्धी हिसाबका सम्बन्धमा पनि छलफल हुनेछ । आर्थिक वर्ष २०७६/७७ का लागि लेखापरीक्षक नियुक्त गरी पारिश्रमिक निर्धारण गर्ने अर्को एजेन्डा रहेको समेत जनाएको छ ।
