काठमाडौं । साताको अन्तिम कारोबार दिन बिहीबार पनि नेपाल स्टक एक्सचेन्जको परिसूचकमा सुधार देखिएको छ । नेप्से आज ६ दशमलव ७३ अंकले बढेर ११४९ दशमलव ३४ बिन्दूमा पुगेको छ ।कुल १५५ वटा कम्पनीको १२ लाख ४ हजार कित्ता शेयर ३२ करोड ७६ लाख रुपैयाँभन्दा बढीको कारोबार भएको छ ।
बिहीबार कारोबारमा आएका समूहमध्ये निर्जीवन बीमा समूह बाहेक सबै समूह बढेका छन् । माछापुच्छ्रे बैंकको सबैभन्दा बढी कारोबार भएको छ । बैंकको आज ७ करोड ११ लाख रुपैयाँको कारोबार भएको छ ।
समग्र परिसूचकमा सुधार आएको दिन अरुण भ्याली हाइड्रोपावर कम्पनीका लगानीकर्ताले कमाएका छन् । यस कम्पनीको शेयर मूल्य ८.३३ प्रतिशतले बढेको छ ।
तर, अरुण काबेली पावर लिमिटेडका लगानीकर्ताले भने सबैभन्दा धेरै गुमाएका छन् । यस कम्पनीको शेयर मूल्य ५.७९ प्रतिशतले घटेको छ ।
