काठमाडौं । एक महिलाले आफू बलात्कृत भएको र सो अपराधमा कञ्चनपुरको बेलौरी मालपोत कार्यालयका प्रमुख भोजबहादुर ऐडीको संलग्नता रहेको दावी गर्दै प्रहरीमा उजुरी दिएकी छिन् । पीडितको उजुरी लगत्तै मालपोत प्रमुख ऐडी पक्राउ परेका छन् ।
मालपोत कार्यालयका प्रमुख ऐडीका विरुद्धमा स्थानीय एक महिलाले आफूमाथि जबरजस्ती यौन दुव्र्यवहार भएको भन्दै उजुरी दिएपछि मालपोत कार्यालयका प्रमुख ऐडीलाई पक्राउ गरिएको इलाका प्रहरी कार्यालय बेलौरीले जनाएको छ ।
इलाका प्रहरी कार्यालय बेलौरीका प्रमुख प्रहरी निरीक्षक रणबहादुर चन्दले पीडित महिलाको उजुरीका आधारमा पक्राउ गरिएको र घटनाको प्रारम्भिक अनुसन्धान भइरहेको बताए । प्रहरीले सुरुमा दुवै पक्षलाई बोलाएर सोधपुछ गर्ने काम गरिरहेको राससले आफ्नो अनलाईन समाचार सेवामा जनाएको छ ।
