काठमाडौं । सनराइज बैंकले आर्थिक वर्ष २०७५ /७६ को लागि लाभांश घोषणा गरेको छ । बैकले १५ दशमलव ८ प्रतिशत लाभांश दिने घोषणा गरेको हो ।
बैंकको मंगलबार बसेको सञ्चालक समिति बैठकले गत वर्षको नाफाबाट १० प्रतिशत बोनस सेयर र ५ दशमलव ८ प्रतिशत नगद लाभांश दिने निर्णय गरेको हो ।
बैंकले ८१ करोड ५२ लाख ५५ हजार ५ रुपैयाँ बराबरको बोनस वितरण गर्ने प्रस्ताव गरेको छ । यस्तै, बैंकले ४७ करोड २८ लाख ४८ हजार २३९ रुपैयाँ नगद लाभांश वितरण गर्ने प्रस्ताव गरेको छ ।
नियामक निकाय नेपाल राष्ट्र बैंक र आगामी साधारण सभाले अनुमोदन गरेपछि लगानीकर्तालाई लाभांश वितरण गर्ने जनाएको छ ।
हाल सनराइज बैंकको चुक्ता पुँजी ८ अर्ब १५ करोड २५ लाख ५५ हजार ८५१ रुपैयाँ रहेको छ । प्रस्तावित बोनस वितरणपछि ८ अर्ब ९६ करोड ७८ लाख ११ हजार ४ सय ३६.१ रुपैयाँ पुग्नेछ ।
