काठमाडौं । स्वाभिमान लघुवित्त वित्तीय संस्थाले आर्थिक वर्ष २०७५ ७६ को लागि लाभांश घोषणा गरेको छ । लघुवित्तले २४ प्रतिशत बोनस सेयर दिने भएको हो ।
कम्पनीको बिहीबार बसेको सञ्चालक समिति बैठकले २४ प्रतिशत बोनस सेयर दिने निर्णय गरेको हो । लघुवित्तले बोनसमा लाग्ने कर तिर्न १ दशमलव २७ प्रतिशत नगद लाभांश पनि दिने भएको छ ।
लघुवित्तले १ करोड ४८ लाख ४६ हजार ६४० रुपैयाँ बराबरको बोनस सेयरमा खर्च गर्ने छ । प्रस्तावित लाभांश नेपाल राष्ट्र बैंक र आगामी वार्षिक साधारण सभाले अनुमोदन गरेपछि मात्र वितरण हुने छ ।
