काठमाडौं । नेपालमा पहिलो पटक निर्माण गरिएको पेट्रोलियम पाईपलाईनको आज भिडियो कन्फ्रेन्सबाट उद्घाटन गरिएको छ । प्रधानमन्त्री केपी शर्मा ओली र भारतका प्रधानमन्त्री नरेन्द्र मोदीले संयुक्त रूपमा नेपाल–भारत पेट्रोलियम पाइपलाइनको रिमोट सिष्टमबाट उद्धघाटन गरेका हुन् ।
ओलीले सिंहदरबार र मोदीले नयाँ दिल्ली प्रधानमन्त्री कार्यालयबाट स्वीच थिचेर पाइपलाइनको उद्धघाटन गरेका हुन् । भारतको मोतिहारीबाट नेपालको अम्लेखगन्जसम्म ६९ किमी लामो पाईपलाईन निर्माणपछि ढुवानी लागत घट्नेछ भने इन्धनमा मिसावट नहुने विश्वास गरिएको छ । त्यस्तै ट्याङ्करबाट ढुवानी गर्दा लाग्ने बीमा शुल्क समेत घटेको छ ।
