काठमाडौं । अख्तियार दुरुपयोग अनुसन्धान आयोगले बालुवाटारस्थित ललितानिवास जग्गा अनियमितता प्रकरणमा बयान दिन सो काण्डमा मुछिएका ५८ जनालाई बयानका लागि उपस्थित हुन आदेश दिएको छ ।
आयोगले आज सूचना प्रकाशीत गरेर ५८ जनालाई एक हप्ताका भित्र बयानको लागि हाजिर हुन आदेश दिएको छ । सूचनामा बयानको लागि उपस्थित नभए कानुन बमोजिम अघि बढ्ने आयोगले जनाएको छ । साथै बयानको क्रमममा उपस्थित नभएमा आयोगले दोषी करार गरि मुद्धा दायर गर्ने चेतावनी समेत दिएको छ ।
अख्तियारमा उपस्थित हुन जारी गरिएको सूचनामा कामना गुरुङ, कल्पना तुलाधर, शर्मिला शाक्य, प्रगति कंशकार, मनोज कुमार केडियालगायत ५८ जनाको नाम छ । कामना पूर्वसेनापति छत्रमान सिंह गुरुङको छोरी तथा व्यवसायी मीनबहादुर गुरुङको बुहारी हुन् । त्यस्तै, अन्य व्यापारी तथा व्यवसायीको नाम पनि बयानका लागि बोलाइएको सूचीमा छ ।
यसअघि पनि आयोगले जग्गा प्रकरणमा जोडिएका विभिन्न व्यक्तिलाई सम्पर्कमा आउन सूचना जारी गरेको थियो ।
