Prabhu Life Ad Final

बीमा रकमको टुंगो नलाग्दा फुचाङको शव उठेन, गौशाला प्रहरी कार्यालय घेराऊ

काठमाडौं । गत आइतबार राति सिनामंगल–तीनकुने सडकमा तीन वटा मोटरसाइकललाई ठक्कर दिने टिपरका धनीले घाइतेको उपचार नगरेको तथा मृतकका परिवारसँग भेटघाट गर्न नमानेपछि पीडितका आफन्तले आज गौशाला प्रहरी कार्यालय घेराऊ गरेका छन् । टिपरधनीले मृतकका आश्रित परिवारलाई दिइने बीमा रकमको सम्बन्धमा कुनै निर्णय गर्न नमान्दा शव समेत उठाउन नपाएर आक्रोसित बनेका आफन्तहरु गौशाला प्रहरी कार्यालयमा पुगेर धर्ना दिएका हुन् ।

घटनास्थलमै मृत्य भएका फुचाङ भोटेको शव टिचिङ हस्पिटल अलपत्र परेको तीन दिन भइसकेको छ । तर, प्रहरीले आफन्तलाई शव जिम्मा लगाउने प्रयोजनका लागि दुघटनामा संलग्न टिपरका मालिकलाई उपस्थित गराउन नसकेपछि पीडितका आफन्तले मंगलबार मध्यान्हदेखि गौशाला प्रहरी कार्यालयमा घेराऊ गरिरहेका छन् ।

NLIC

मंगलबार मध्यान्हसम्म टिपर धनी झिकाउने प्रतिबद्धता जनाएको गौशाला प्रहरी कार्यालयका प्रहरी अधिकारी नै टिपरधनीसँग मिलेको आरोप पीडित पक्षको छ । पीडित पक्षसँग वार्ता गर्ने भन्दै सोमबार विहानदेखि प्रहरी चौकीमा पर्खिरहेका आफन्तहरु आक्रोसित बन्दै धर्ना बसेका हुन् । दुई पक्षलाई झिकाएर वार्ता गराउन प्रहरी असफल भएपछि आक्रोसित मानिसहरुले गौशाला प्रहरी कार्यालयको मूलगेटमा धर्ना दिई सेवाग्राहीलाई भित्र प्रवेश दिएका छैनन् । मूल गेट नै अबरुद्ध हुँदा सँगै रहेको ट्राफिक प्रहरी कार्यालयमा लाईसेन्स लगायत सवारी कारवाहीमा परेकाहरुले कागजात लिन पाएका छैनन् ।

प्रहरीले घटनामा संलग्न टिपरको कागजात समेत प्राप्त नगरेको गौशालाका एक प्रहरी अधिकारीले जनाए । टिपरको तेस्रो पक्ष बीमा छ छैन समेत खुल्न सकेको छैन । घटनामा घाइते भएका दुई जनाको उपचारमा समेत समस्या भएको पीडितहरुले बताए ।

नेपालको सवारी ऐन अनुसार तेस्रो पक्ष बीमा अनिवार्य गरिएको छ । दुर्घटनामा उपचार खर्च तथा मृत्यु भएमा पाँच लाख रुपैयाँ बीमा दावी भुक्तानी दिने गरी कार्यविधि बनाई लागू भइसकेको छ । आइतबार दुर्घटना भएको टिपरको बीमा पोलिसी ल्याई पीडित पक्षलाई उपलब्ध गराउने सम्बन्धमा कागजात गर्न टिपर धनीले नमानेको जनाइएको छ ।

अन्य दुई जना गम्भिर घाइते छन् भने तीन वटा मोटरसाइकल कामै नलाग्ने गरी क्षति भएको छ । संलग्न टिपरलाई पक्राउ गरी गौशाला प्रहरी कार्यालयमा राखिएको छ । सो घटनामा करिब २० लाख रुपैयाँ बीमा दावी पर्ने देखिएको छ ।

यो खबर पढेर तपाईलाई कस्तो महसुस भयो ?

0%

खुसी

0%

दुःखी

0%

अचम्मित

0%

उत्साहित

0%

आक्रोशित

प्रतिक्रिया दिनुहोस्

ADBL

सम्बन्धित समाचार

Insurance Khabar Mobile App