काठमाडौं । चितवन जिल्ला अदालतले पत्रकार रवि लामिछानेसहित तीन जनालाई थप पाँच दिन हिराशतमा राखेर अनुसन्धान गर्न प्रहरीलाई अनुमति दिएको छ ।
पत्रकार शालिकराम पुडासैनीले गरेको आत्महत्या घटनामा दुरुत्साहन गरेको सम्बन्धमा थप छानविनका लागि चितवन जिल्ला अदालतले ५ दिन म्याद थप गरेको हो । जिल्ला न्यायधीश गायत्रीप्रसाद रेग्मीको एकल इजलासले मंगलबार लामिछानेसहित तीन जनालाई हिरासतमा राखेर अनुसन्धान गर्न आदेश दिएको छ । यसअघि नै पत्रकार लामिछानेसहित युवराज कँडेल र रुकु कार्कीलाई पाँच दिन हिराशतमा राखेर अनुसन्धान गर्न अनुमति दिएको थियो ।
सोमाबार अदालतमा भएको थुनछेक बहसमा वादीको तर्फबाट जिल्ला न्यायधिवक्ता यदु शर्माले वहस गरेका थिए भने लामिछानेको तर्फबाट अधिबक्ताहरु सुनिल पोखरेल, सुसिल पन्त र चुडामणी सापकोटाले बहस गरेका थिए ।
पत्रकार लामिछानेलाई पक्राउ गरिएको भन्दै केही दिनदेखि चितवन अशान्त छ । चितवन र हेटौडामा रविको समर्थनमा विशाल प्रदर्शनहरु भइरहेका छन् ।
