काठमाडौं । सूर्या लाईफ इन्स्योरेन्सले आर्थिक वर्ष ०७५।७६ को चौथौ त्रैमासको वित्तिय विवरण सार्वजनिक गरेको छ ।
समीक्षा अवधीमा इन्स्योरेन्सको कुल बीमा शुल्क आर्जन रकम ४६ प्रतिशतले वृद्धि भएको छ । कम्पनीले यस आर्थिक वर्षको चौथौ त्रैमास सम्म दुई अर्ब ५५ करोड कुल बीमा शुल्क आर्जन गरेको छ ।
कम्पनीको खुद बीमा शुल्क आर्जन रकम ४८ प्रतिशतले वृद्धि हुँदै दुई अर्ब ४८ करोड पुगेको छ । कम्पनीले जारी गरेको बीमालेख संख्या ४८ प्रतिशतले वृद्धि भएको छ ।कम्पनीले चालु आर्थिक वर्षको चौथौ त्रैमाससम्म २० करोड ८६ लाख खुद नाफा आर्जन गरेको छ ।
कम्पनीको प्रकाशित वित्तिय विवरणमा प्रति शेयर आम्दानी १६ रुपैयाँ ४३ पैसा रहेको छ । अघिल्लो बर्षको सोही अवधिमा कम्पनीको प्रतिशत आम्दानी ११ रुपैयाँ ८ पैसा रहेको थियो ।
कम्पनीको जगेडा कोषको आकार ४९ प्रतिशतले वृद्धि भएर ४१ करोड २ लाख रुपैयाँ पुगेको छ भने जीवन बीमा कोषको आकार ४७ प्रतिशतले वृद्धि भएर पाँच अर्ब २५ करोड पुगेको छ ।
