काठमाडौं । स्वरोजगार लघुवित्त वित्तीय संस्थाले आर्थिक वर्ष २०७५/७६ को चौथो त्रैमासको वित्तीय विवरण प्रकाशित गरेको छ । आर्थिक वर्ष २०७५/७६ लघुवित्तले ८ करोड ७ लाख रुपैयाँ नाफा कमाउन सफल भएको छ । गत आर्थिक वर्षको सोही अवधिमा लघुवित्तले ३ करोड ६५ लाख रुपैयाँ मात्र नाफा कमाएको थियो । गत आर्थिक वर्षको सोही अवधिको तुलनामा लघुवित्तको नाफा १२१ प्रतिशतले बढी हो ।
लघुवित्तको खुद ब्याज आम्दानी र सञ्चालन नाफा पनि क्रमश ६१ प्रतिशत र १२९ प्रतिशतले बढेको छ । कम्पनीले जगेडा कोषमा पनि ८८ प्रतिशतले बृद्धि गरेको छ ।
लघुवित्तले गत आर्थिक वर्षको सोही अवधिको तुलनामा सापटिमा १ प्रतिशतले बृद्धि गरेको छ । निक्षेप संकलनमा ६१ प्रतिशतले बढाएको छ भने कर्जा प्रवाहमा ४१ प्रतिशतले बढाएको छ ।
कम्पनीको प्रतिसेयर आम्दानी २९ रुपैयाँ ९६ पैसा छ । यस्तै, प्रतिसेयर नेटवर्थ पनि गत वर्ष भन्दा ७ रुपैयाँ ८ पैसाले घटेर १४६ रुपैयाँ ४६ पैसामा आइपुगेको छ
