बीमा समितिले सरकारी स्वामित्वमा रहेका दुई बीमा कम्पनीलाई तत्काल कुनै निर्देशन नदिने भएको छ । समितिले राष्ट्रिय बीमा संस्थान र राष्ट्रिय बीमा कम्पनीहरुलाई हालै कुनै निर्देशन दिन नसक्ने जनाएको हो ।
सरकारी स्वामित्वको राष्ट्रिय बीमा संस्थानको आफ्नै ऐन रहेकोले संसदमा प्रस्तावित बीमा प्राधिकरण ऐन कार्यान्वयनको नहुँदासम्म संस्थानलाई पूँजी वृद्धिको निर्देशन दिन नसक्ने समितिले जनाएको छ । हाल समितिले संस्थानलाई कुनै निर्देशन जारी गरेको छैन ।
त्यस्तै, राष्ट्रिय बीमा कम्पनीको लामो समयदेखिको लेखापरीक्षण हुन बाँकी रहेकाले वास्तविक अवस्था थाहा नभएकाले आर्थिक वर्ष २०७५/७६ को लेखापरीक्षण हेरेर समितिले आवश्यक निर्देशन दिने जनाएको छ ।
राष्ट्रिय बीमा कम्पनीलाई आर्थिक वर्ष २०७५/७६ को लेखापरीक्षण सकाएर मात्रै समितिमा पेश गर्न समितिले निर्देशन दिने भएको छ ।
चुक्ता पूँजी समयमा नपुर्याउने बीमा कम्पनीलाई भनेसमितिले मंगलबार सात दिने लिखित स्पष्टिकरण सोधेको थियो ।
