इन्फिनिटी लघुवित्त वित्तीय संस्थाको आइपीओ बाँडफाँट बुधबार हुने भएको छ । आईपीओ निष्काशन तथा बिक्री प्रबन्धक सिभिल क्यापिटलको केन्द्रीय कार्यालयमा आइपीओ बाँडफाँट हुनेछ । यस आइपीओमा ६८ लाख ४ हजार कित्ताका लागि आवेदन परेको क्यापिटलले जनाएको छ ।
क्यापिटल मार्केटका अनुसार अन्तिम दिनसम्ममा कुल ३ लाख ३२ हजार ९७५ जनाले ६८ करोड ४ लाख रुपैयाँ बराबरको आवेदन दिएका हुन् । यस आधारमा लघुवित्तको आइपीओमा माग भन्दा १० गुणा बढी कित्ताका लागि आवेदन परेको जनाएको छ।
कम्पनीले जेठ १३ गते देखि १६ गते सम्म कुल ६ लाख ७४ हजार कित्ता सेयर खुला गरेको थियो । यसमध्ये ३३ हजार ७०० कित्ता म्युचुअल फन्डहरुलाई दिइएको छ । यसैगरी, १० हजार ३७० कित्ता सेयर कर्मचारीलाई छुट्याइएको छ । बाँकी ६ लाख २९ हजार ९३० कित्ता सेयरमा सर्वसाधारणले आवेदन दिएका हुन् ।
कम्पनीले जारी पुँजी २० करोड ७४ लाख रुपैयाँको ३२ दशमलव ५ प्रतिशत रकम बराबरको सेयर बिक्री गरेको हो । यो आइपीओले औसत भन्दा तल जनाउने ‘इक्रा एनपी ग्रेड ४’ रेटिङ पाएको छ । आइपीओ बिक्रीपछि चुक्ता पुँजी २० करोढ ७४ लाख पुग्नेछ ।
