रिलायन्स लाइफको ६३ करोड रुपैयाँ बराबरको आईपीओ आउदै, बिक्री प्रबन्धकमा सानिमा क्यापिटल

रिलायन्स लाइफ इन्स्योरेन्सले ६३ करोड रुपैयाँ बराबरको आईपीओ निष्काशन गर्ने भएको छ । इन्स्योरेन्सले आईपीओ निष्काशन तथा विक्री प्रबन्धकमा सानिमा क्यापिटल लिमिटेडलाई बिक्री प्रबन्धमा नियुक्त गरेको छ ।

रिलायन्सले जारी पुँजीको ३० प्रतिशत शेयर सर्वसाधारणलाई बिक्री गर्न लागेको हो । हाल इन्स्योरेन्सको अधिकृत पुँजी ३ अर्ब रुपैयाँ र जारी पुँजी २ अर्व १० करोड रुपैयाँ रहेको छ ।

आईपीओ जारी गर्नका लागि यी दुई कम्पनीबीच सम्झौता भएको छ । सम्झौतामा रिलायन्स लाइफको तर्फबाट प्रमुख कार्यकारी अधिकृत प्रवीणण्रमण पराजुली र सानिमा क्यापिटलको तर्फबाट प्रमुख कार्यकारी अधिकृत मनिषनारायण जोशीले हस्ताक्षर गरे ।

हालसम्म इन्स्योरेन्सले विभिन्न जिल्लामा ८८ वटा शाखा तथा उपशाखा कार्यालयहरु मार्फत बीमितहरुलाई बीमा सेवा प्रदान गर्दै आएको छ ।

प्रतिक्रिया दिनुहोस्

सम्बन्धित समाचार