आगामी असार सम्ममा बीमाको पहुँच २० प्रतिशत पुग्ने

चालु आर्थिक बर्ष २०७५/७६ को अन्त्यसम्ममा नेपालमा बीमाको पहुँच २० प्रतिशत पुग्ने अनुमान गरिएको छ । अर्थमन्त्रालयले संघिय संसदमा सोमबार प्रस्तुत गरेको तथ्यांक अनुसार आगामी असार महिनासम्ममा बीमाको पहुँच झन् बढ्ने अनुमान गरिएको हो । तथ्यांक अनुसार चालु आवको फाल्गुण महिनासम्ममा बीमाको पहुँच १८ प्रतिशत पुगेको छ ।

त्यस्तै, चालु आवको फाल्गुण महिनासम्म बीमा व्यवसायको कुल वित्तीय स्रोत तथा उपयोग ३ खर्ब १३ अर्ब ९० करोड रुपैयाँ पुगेको छ । यसमध्ये जीवन बीमा व्यवसाय गर्ने बीमकको २ खर्ब ३० अर्ब रुपैयाँ पुगेको छ भने निर्जीवन बीमा व्यवसाय गर्ने बीमकको ८३ अर्ब २२ करोड रुपैयाँ पुगेको छ । यो वित्तीय स्रोत तथा उपयोग गत आवको सोही अवधिको तुलनामा करिब ३० प्रतिशतले बढी हो ।

साथै बीमा कम्पनीहरुको बीमाशुल्क आम्दानी गत आवको अन्त्यसम्ममा ७७ अर्ब ८८ करोड रुपैयाँ पुगेको छ । आव २०७०/७१ सम्ममा भने ३० अर्ब ४३ करोड रुपैयाँ थियो । यो रकम कुल गाहस्र्थ उत्पादनको २.६ प्रतिशत हो ।

त्यस्तै, चालु आवको फाल्गुण महिनासम्ममा कृषि तथा पशुपन्छी बीमा बापत सरकारले ४२ करोड बीमा शुल्कमध्ये ३१ करोड ८२ लाख रुपैयाँ अनुदान वितरण गरेको छ । सो अवधिमा कम्पनीहरुले ९ खर्ब ११ अर्ब रुपैयाँ बराबरको बीमा गरेका छन् ।

प्रतिक्रिया दिनुहोस्

सम्बन्धित समाचार