नयाँ बीमा कम्पनीहरुको ७ अर्ब १८ करोड ५० लाख रुपैयाँ बरारबको साधारण सेयर जारी हुने भएको छ । बीमा समितिको प्रावधान अनुसार निर्जीवन बीमा कम्पनीहरुको पूँजी १ अर्ब र जीवन बीमा कम्पनीहरुले भने २ अर्ब रुपैयाँ पुराउँनुपर्नेछ । त्यसको लागी कम्पनीहरुले ३० प्रतिशत सेयर सर्वसाधारणको लागी छुटाउँनु पर्नेछ ।
नेपालमा अहिले ३९ वटा बीमा कम्पनीहरु सञ्चालित छन् । जसमध्ये ९ वटा नयाँ जीवन कम्पनी छन् भने तीन वटा नयाँ निर्जीवन बीमा कम्पनी सञ्चालित छन् । युनियन, ज्योति, आईएमई, रिलायन्स, रिलायवल, सिटिजन, सानिमा, प्रभु र सन नेपाल लाईफ इन्स्योरेन्स र महालक्ष्मी लाइफ इन्स्योरेन्स नयाँ जीवन बीमा कम्पनी हुन् भने सानिमा इन्स्योरेन्स, जनरल इन्स्योरेन्स र अजोड इन्स्योरेन्स नयाँ निर्जीवन बीमा कम्पनी हुन् । नयाँ निर्जीवन बीमा कम्पनीहरुले समितिको प्रावधान अनुसार ७० (७० करोड) रुपैयाँ कायम गरेका छन् । बाँकी पूँजी कायम गर्न लागी साधारण सेयर जारी गर्नुपर्नेछ ।
आईपिओ जारी भएपछि सानिमा लाईफ, प्रभु लाईफ, रिलायवल, आईएमई र सन् नेपालको चुक्ता पूँजी २ अर्ब पुग्नेछ । त्यसैगरी सिटिजन लाईफ इन्स्योरेन्सको २ अर्ब ५० करोड, रिलायन्स लाईफको २ अर्ब १० करोड, ज्योति लाईफको २ अर्ब २० करोड , युनियन लाईफ इन्स्योरेन्सको २ अर्ब १५ करोड र महालक्ष्मी लाइफ इन्स्योरेन्सको २ अर्ब रुपैयाँ पूँजी पुग्नेछ ।
