नेपाल स्टक एक्सचेञ्ज लिमिटेडले मार्जिन कारोबारका लागि योग्य ३१ कम्पनीहरुको सूची सार्वजनिक गरेको छ ।
नेप्सेले मार्जिन कारोवारको लागि योग्य ३१ कम्पनीको सूचीमा एउटा पनि बीमा कम्पनी परेका छैनन् । नेप्सेले मार्जिन कारोबार सुविधाका लागि “मार्जिन कारोबार सुविधा कार्यविधि २०७५” को दफा ८ मा तोकिएको व्यवस्था बमोजिमका लागि योग्य कम्पनी सार्वजनिक गर्दा निम्न कुराहरुलाई आधार मानेको थियो :
- कम्तिमा १० हजार सेयरधनी भएको
- कम्पनीको खुद सम्पत्ति चुक्तापूँजी भन्दा कम नरहेको
- पछिल्ला २ आर्थिक वर्षमा कम्तिमा १० प्रतिशत लाभांश वितरण गरेको
- दोस्रो बजारमा अघिल्लो आर्थिक वर्षभरि कम्तिमा ८० प्रतिशत कारोबार दिनमा सेयर कारोबार भएको
- आर्थिक वर्षको प्रथम ६ महिनाभित्रै वार्षिक साधारणसभा सम्पन्न गरेको।
सार्वजनिक सूचीमा ११ वाणिज्य बैंक, ६ वटा विकास बैंक, ९ वटा लघुवित्त, ३ वटा जलविद्युत कम्पनी, एउटा होटल र नेपाल टेलिकम परेका छन्।
हेरौ मार्जिन कारोवारका लागि योग्य कम्पनीहरुको सुची
बीमा कम्पनीहरु मार्जिन कारोबारको सूचिमा पर्न नसक्नुमा समयमै साधारण सभा हुन नसक्नु एउटा प्रमुख कारण रहेको छ । एक्चुयरी मुल्यांकनको कारणले गर्दा बीमा कम्पनीहरुको साधारण सभा निकै ढिलो हुँदै आएको छ । कार्यविधि अनुसार पुष महिना भित्र साधारण सभा गर्ने कम्पनीहरु सो सुचिमा पर्दछन् । तर यो वर्षको उदाहरण दिदा कुनै पनि कम्पनीहरुले चैत्र महिना लाग्दा सम्म पनि साधारण सभा गर्न सकेका छैनन। बीमा कम्पनीमा नेपाल लाईफ इन्स्योरेन्सले आर्थिक वर्ष ७४/७५ को लाभांस प्रस्ताव गरे पनि बुक क्लोज र साधारण सभाको मिति तय गर्न सकेको छैन ।