आइएमइ जनरल इन्स्योरेन्सले आज (फागुन २२ गते) बुधबार देखि १ लाख २ हजार ३६४ कित्ता सेयर लिलामी बिक्रिमा ल्याएको छ ।
कम्पनीले यस अघि बिक्रि नभएको हकप्रद लिलामिमा ल्याएको हो । कम्पनीले पुस १७ देखि माघ २१ गतेसम्म हकप्रद खुला गरेको थियो । जसमा एक लाख ७ सय ६६ कित्ता साधारण र एक हजार ५९८ कित्ता संस्थापक गरि कूल एक लाख २ हजार ३६४ कित्ता अवितरित भएको थियो । सोही शेयर अहिले लिलामी मार्फत बिक्री गर्न लागेको हो ।
बिक्री प्रबन्धक ग्लोबल आइएमई क्यापिटल जमल काठमाडौंबाट सयेर लिलामी भर्न पाउनेछन् । साथै ग्लोबल आइएमई बैंकका शाखा कार्यालयहरु वीरगञ्ज, हेटैडा, बुटवल, विराटनगर, नेपालगञ्ज, सुर्खेत, धनगढी र पोखरा आवेदन दिन सक्नेछन् ।
फागुन ३० गते सम्म लिलामीमा आवेदन दिने सकिनेछ । न्यूनतम १०० रुपैयाँलाई आधार मानेर बोलपत्र पेश गर्नुपर्नेछ । न्यूनतम १०० कित्तादेखि माथि सबै कित्ताका लागि आवेदन दिन सकिनेछ ।
हाल इन्स्योरेन्सको ५४ करोड रुपैयाँ चुक्ता पूँजी छ। हकप्रद पूँजीकरण पश्चात कम्पनीको चुक्ता पूँजी ९७ करोड २० लाख रुपैयाँ पुग्नेछ ।
