गुराँस लाईफ इन्स्योरेन्सले अघिल्लो बर्ष २०७३/७४ को नाफाबाट आठ प्रतिशत लाभांश सेयर सेयरधनीहरुलाई दिने भएको छ । कम्पनीले सोमबार बसेको संचालक समितीको १४९ औ बैठकको निर्णय अनुसार गत बर्षको संचित मुनाफाबाट हालसम्म कायम रहेको पुँजी ५९ करोड ४० लाख रुपैँयाको आठ प्रतिशत बोनस प्रस्ताव गरेको हो ।
बोनस सेयरमा लाग्ने कर तिर्न ०.४२१ प्रतिशत नगद लाभांश दिने पनि जनाएको छ । प्रस्तावित बोनस वितरण पछि कम्पनीको चुक्ता पुँजी ६४ करोड १५ लाख २० हजार पुग्नेछ । कम्पनीले ६० प्रतिशत हकप्रद बिक्री गर्न धितोपत्र बोर्डबाट अनुमति पाइसकेको छ । गुराँसले २९ लाख ७० हजार कित्ता हकप्रद बिक्री गर्न अनुमति पाएको हो ।
कम्पनीले प्रस्ताव गरेको लाभांस बीमा समिती र आगामी साधारणसभाबाट पारित भएपछि मात्र वितरण गर्ने कम्पनीले जनाएको छ ।
