काठमाडौं । नवील बैंक लिमीटेडले आर्थिक वर्ष २०७४/७५ को चौथो त्रैमाससम्म ४ अर्ब ५ करोड खूद नाफा आर्जन गरेको छ । अघिल्लो वर्ष यस्तो नाफा ३ अर्ब ६१ करोड रुपैयाँ रहेको थियो । नविल बैंकले गत आर्थिक वर्षमा १२.२२ प्रतिशत नाफा बढाएको छ ।अघिल्लो वर्षको तुलनामा गत वर्ष बैंकले ४४ करोड रुपैयाँ नाफा बढाएको छ ।
बैंकले सार्वजनिक गरेको गत आर्थिक वर्षको वित्तीय विववरणमा ब्याज आम्दानी बढेर ६ अर्ब २६ करोड २० लाख रुपैयाँ पुगेको छ । अघिल्लो वर्ष ब्याज आम्दानी ५ अर्ब ४५ करोड रुपैयाँ थियो । बैंकको संचित कोषको आकार बढेर १२ अर्ब ८३ करोड रुपैयाँ पुगेको छ ।
बैंकको निष्क्रिय कर्जा घटेर ०.५५, निक्षेप लागत बढेर ४.७५, कर्जा निक्षेप अनुपात ७४.६८, आधारदर ७.७८ प्रतिशत रहेको जानकारी दिएको छ ।अघिल्लो वर्ष संचित कोष १२ अर्ब ३७ करोड रुपैयाँ थियो । समीक्षा अवधिमा बैंकले १ खर्ब ३६ अर्ब ९७ करोड रुपैयाँ निक्षेप परिचालन गरेर १ खर्ब १२ अर्ब ६५ करोड रुपैयाँ पुगेको छ।नाफा बढेपनि बैंकको प्रतिसेयर आम्दानी (ईपीएस) घटेर ५२ रुपैयाँ १४ पैसामा सीमित भएको छ । अघिल्लो आवमा बैकको ईपीएस ६० रुपैयाँ ८१ पैसा थियो ।
प्रतिसेयर नेटवर्थ २२५ रुपैयाँ, मूल्य आम्दानी अनुपात १८.२७ गुणा, इक्वीटीमा प्रतिफल २४.६७ प्रतिशत तथा सम्पत्तिमा प्रतिफल २.७१ प्रतिशत कायम भएको छ ।
