बीमा बाध्यतामा पारेर गराइदैन स्वेच्छाले बीमा गर्ने वातावरण छ

सामान्य भाषामा जीवन बीमा भनेको जीवनको पुर्ण क्षती हुदा हुने आम्दानीको नोक्सानी विरुद्ध गरिने सुरक्षा हो । जुन हकदारले(परिवारले) बिमितको मृत्यु पश्चात् आर्थिक सुरक्षाको रुपमा तोकिएको रकम प्राप्त गर्दछ् । जीवन बीमाको मुख्य उदेश्य बिमितको मृत्यु हुदा उसले अग्रिम तोके बमोजिमको उसका परिवारको आर्थिक सुरक्षा गर्नु हो । तसर्थ जीवन बीमा एक मात्र यस्तो कडि हो जसले जिवन रहदा/नरहदा दुबै अवस्थामा हामीले आफू र आफ्ना आश्रीत परिवारको जिबनस्तरको वारेमा देखेको उज्ज्वल सपना पुरा गर्न सक्छ ।

आफ्नो जीवनकालमा हुन सक्ने आर्थिक जोखिमको हामी अग्रिम कल्पना गर्नु अति आवश्यक छ । दैनिक जीवन यापनको लागि,बालबच्चाको शिक्षा बिबाहको लागि,स्वास्थको लागि त्यती मात्र नभई विकसित देशहरुमा त छोडपत्रको लागी समेत कति बजेट आवश्य पर्ला अग्रिम सोचीसकेका हुन्छन् । तसर्थ हामिले आवश्यकता/महत्त्व अनुसार माथी उल्लेखित कुराहरुको पहिचान गर्नु पर्दछ । नेपालमा पनि बिस्तारै बीमाको चेतनाको बिकास भईरहेकाे छ । अहिले फजुल खर्च कटाएरै भएपनि बीमा गर्नु पर्छ भन्ने धारणाको बिकास भएको पाइन्छ । धेरै पहिला अभिकर्ताहरुले जबर्जस्ति गरेर बिमा गराउने प्रचलन थियो होला तर अहिले मानिसलाई बीमा गराउनु पर्छ बीमा गराउनाले आफू र आफ्नो परिवारको आर्थिक सुरक्षा हुन्छ भन्ने धारणको बिकास भएको छ ।आजभोलि कतिपय मानिसहरु त बिमा गराउन कार्यालयमै आउने समेत गरेका हुन्छन् । पहिला पहिला मानिसहरु राम्रो आम्दानी हुँदा समेत सानो सानो बिमा गर्ने गरेको पाइन्छ तर आजकाल ठुलो ठुलो बीमा पोलिसी गर्ने गरेको पाइन्छ ।

अहिले मानिसहरू धेरै चलाख भैसकेको अबस्था छ । म कुनै कारण तलमाथि भए भने परिबारमा के कस्तो आर्थिक क्षति हुन्छ त्यसलाई मध्येनजर गरेर बिमाको योजना बनाउने र त्यसै अनुसारको ठुलो बीमालेख खरिद गर्ने प्रचलन बढेकाे पाईन्छ । अहिलेको आधुनिक समयमा मानिसहरू पनि बीमामा आमूल परिवर्तन खोजिरहेका छन । बीमा कम्पनीहरुले अहिले धेरै राम्रा राम्रा योजनाहरु बजारमा ल्याएका कारण पनि बीमा प्रति जनचासो बढेको हो । कतिपय कम्पनीहरुले स्वास्थ बीमा सहित आक्रामक बजार रणनीति बनाएका छन भने स्वास्थ बीमाको लोकप्रियता देखेर कतिपय कम्पनीहरु पनि स्वास्थ बीमा सहितको  योजना ल्याउने तयारी गरिरहेका छन । यस्तै सुबिधाका कारण बीमा बाध्यतामा पारेर गराउनै पर्दैन । बीमा हरेक ब्यक्तीको अनिवार्य आबस्यकता बनिसकेको छ ।

प्रतिक्रिया दिनुहोस्

सम्बन्धित समाचार