इन्स्योरेन्स खबर/काठमाडौंः निर्जीवन बीमा कम्पनीहरुको अग्रणी कम्पनी शिखर इन्स्योरेन्सले चालु आर्थिक वर्षको तेश्रो त्रैमासिक रिपोर्ट सार्वजानिक गरेको छ । यो अवधिमा कम्पनीले ३१ करोड रुपैयाँ खुद नाफा आर्जन गरेको छ । गतवर्ष यो अवधिमा कम्पनीले नाफा २६ करोड ६३ लाख रुपैयाँ खुद मुनाफा आर्जन गरेको थियो ।
१ अर्ब ५ करोड ७३ लाख रुपैयाँ चुक्ता पुँजी भएको शिखर इन्स्योरेन्सले जगेडा कोषमा १८ करोड २० लाख रुपैयाँ राखेको छ । त्यस्तै कम्पनीले बीमाकोषमा ७९ करोड ४ लाख रुपैयाँ सञ्चित गरेको
समीक्षा अवधिमा कम्पनीले २ अर्ब ४५ करोड ९२ लाख कुल बीमाशुल्क आर्जन गरेको छ । जुन अघिल्ल्लो वर्षको तुलनामा २३ प्रतिशतले बढी हो । अघिल्लो वर्ष कम्पनीले २ अर्ब रुपैयाँ बीमा शुल्क आर्जन गरेको थियो । यो अवधिमा कम्पनीले ८६ करोड १ लाख रुपैयाँ कुल दाबी भुक्तानी गरेको छ ।
शिखर इन्स्योरेन्सको जारी बीमालेख संख्या २ लाख १५ हजार ६ सय २ वटा रहेको छ भने कुल दाबी भुक्तानी संख्या ५ हजार ९ सय ५७ वटा रहेको छ ।
शिखर इन्स्योरेन्सको प्रतिसेयर आम्दानी ३९ रुपैयाँ ६६ पैसा, प्रतिसेयर नेटवर्थ १९६ रुपैयाँ ९७ पैसा र मूल्य आम्दानी अनुपात २५.५४ गुणा कायम भएको छ ।
