इन्स्योरेन्स खबर/काठमाडौंः चालू आर्थिक वर्षको तेस्रो त्रैमासमा सूर्या लाइफ इन्स्योरेन्सले ९ करोड ७७ लाख ५४ हजार रुपैयाँ नाफा कमाएको छ । जुन गतवर्षको सोही अवधिको तुलनामा ६२ दशमलव ०४ प्रतिशतले बढी हो । गत आवको तेश्रो त्रैमासमा कम्पनीले कम्पनीले ६ करोड ३ लाख २६ हजार रुपैयाँ मात्र खुद नाफा कमाएको थियो ।
चुक्ता पुँजी ७२ करोड १८ लाख ७५ हजार रहेको सुर्या लाईफले जगेडा कोषमा ३५ करोड ३४ लाख रुपैयाँ राखेको छ । त्यस्तै जीवन बिमा कोषमा ३ अर्ब २२ करोड ५८ लाख रुपैयाँ सञ्चित गरेको कम्पनीले महाविपत्ति ४ करोड ४७ लाख ३९ हजार राखेको छ ।
समिक्षा अवधिसम्ममा कम्पनीले १ अर्ब ४ करोड २ लाख ५५ हजार रुपैयाँ खुद बीमा शुल्क आर्जन गरेको छ । गतवर्षको सो अवधिमा कम्पनीले ७७ करोड ६२ लाख ६३ हजार रुपैयाँ मात्र खुद बीमा शुल्क आर्जन गरेको थियो ।
त्यस्तै कम्पनीले ७ सय ३० बीमाखेलको १४ करोड ६ लाख ६९ हजार रुपैयाँ कुल दाबी भुक्तानी गरेको छ । १८५ बीमालेखको ७८ लाख ४१ हजार रुपैयाँ बराबरको दाबी भुक्तानी गर्न बाँर्क रहेको देखिन्छ ।
सुर्या लाईफको प्रतिसेयर आम्दानी १८ रुपैयाँ ०६ पैसा, मुल्य आम्दानी अनुपात ८६.५१, प्रतिसेयर नेटवर्थ १५५ रुपैयाँ १६ पैसा र प्रतिसेयर कुल सम्पत्तिको मुल्य ६६७ रुपैयाँ ४१ पैसा रहेको छ ।
