एभरेष्ट इन्स्योरेन्सको बोनस सेयर पारित, ६०० प्रतिशत हकप्रद खारेज, कसरी पुर्याउँदैछ पूँजी

Citizen Life Insurance Co

काठमाडौं, वैशाख २४ । एभरेष्ट इन्स्योरेन्स कम्पनीको २३ औं वार्षिक साधारणसभाले बोनस सेयर पारित गरेको छ । सभाले आर्थिक वर्ष ०७३/०७४ को मुनाफाबाट १० प्रतिशत बोनस सेयर तथा बोनस सेयर बापतको कर प्रयोजनार्थ ६ लाख ३९ हजार ४ सय ७४ रुपैयाँ नगद लाभांश दिने प्रस्ताव पारित गरेको हो ।

त्यस्तै कम्पनीको उक्त सभाले बोनस बिक्रीपश्चात कायम हुने पूँजीमा संस्थापकको सेयर हिस्सा ५१ प्रतिशत हुनेगरी सेयरधनीहरूलाई १ बराबर १.०५ को अनुपातमा संस्थापक हकप्रद बिक्री गर्ने निर्णय गरेको छ । साथै तत्पश्चात कायम हुने सम्पूर्ण सेयरधनी (संस्थापक र सर्वसाधारण) लाई १ बराबर ३ को अनुपातमा हकप्रद सेयर जारी गर्ने प्रस्ताव समेत पारित सभाले अनुमोदन गरेको छ ।

सभाले यसअघिको कम्पनीको २२ औं साधारण सभाले पारित भएको ६०० प्रतिशत हकप्रद प्रस्तावलाई खारेज गरेको छ ।

त्यस्तै कम्पनीको उक्त सभाले सेयरधनीहरूबाट सञ्चालक समितिमा प्रतिनिधित्व गर्न ५ जना सञ्चालकमा निर्विरोध चयन गरेको छ । संचालकहरुमा राजीव सापकोटा, भुबल राई, हेमराज थापा, रामप्रसाद खनाल तथा एन्जिला विष्ट गिरी रहनुभएको छ ।

प्रतिक्रिया दिनुहोस्

सम्बन्धित समाचार