काठमाडौं, चैत्र १४ । स्पर्स लघुवित्त वित्तिय संस्था लिमिटेडले २ करोड ४० लाख रुपैयाँ बराबरको २ लाख ४० हजार कित्ता साधारण शेयर निष्कासन गर्ने भएको छ ।
संस्थाले शेयर निष्कासनको लागि प्रक्रिया अगाडि बढाएको छ । जसका लागि कम्पनीले सानिमा क्यापिटल लिमिटेडलाई निष्काशन तथा बिक्री प्रबन्धकमा नियुक्त गरेको छ ।
संस्थाले आफ्ना कर्मचारी र सर्वसाधारणलाई समेत गरी उक्त परिमाणको प्राथमिक शेयर जारी गर्ने भएको हो । आइपिओ निष्काशन सम्बन्धि सम्झौतामा स्पर्स लघुवित्त वित्तिय संस्था लिमिटेडका तर्फबाट सजल खड्का र सानिमा क्यापिटल लिमिटेडका प्रमुख कार्यकारी अधिकृत मनिष नारायण जोशीले सम्झौतापत्रमा हस्ताक्षर गर्नुभयो ।
हाल वित्तिय संस्थाको चुक्ता पूँजी ५ करोड ६० लाख रहेको छ भने यस सार्वजनिक निष्काशन पश्चात वित्तिय संस्थाको चुक्ता पूँजी ८ करोड हुनेछ । हाल वित्तिय संस्थाले १० वटा जिल्लामा १५ वटा शाखा मार्फत करिब ६ हजार ५ सय सदस्यलाई वित्तिय सेवा प्रदान गर्दै आएको छ ।
