काठमाडौं । महालेखा नियन्त्रण कार्यालयले सरकारले निम्न आय भएका जनतालाई लघु बीमा सुविधाको लागि दिएको अनुदानको प्रभावकारी उपयोग भए।नभएकोमा आशंका रहेको उल्लेख गरेको छ ।
महालेखा परिक्षकको कार्यालय आव २०७५।०७६ को बार्षिक प्रतिवेदनमा अनुदानको अनुगमन प्रभावकारी नभएका भन्दै आलोचना गरिएकोे छ । महालेखा प्रतिवेदनको २९ औं बुँदामा कृषि विकास बैंकलाई लघुबीमा अनुदान बापत दिइएको ६ करोड २३ लाख, साना किसान विकास बैंकलाई लघुबीमा अनुदान बापत दिइएको १० करोड ८९ लाख रुपैयाँ, निक्षेप तथा कर्जा सुरक्षण विभागलाई दिइएको ६ करोड ३४ लाख रुपैयाँको प्रभावकारी उपयोग भए।नभएकोबारे मूल्याङ्कन नगरिएको उल्लेख छ ।
महालेखाको प्रतिवेदनमा भनिएको छ, ‘नेपाल राष्ट्र बैंकलाई कृषि तथा पशुपालन अनुदान बापत एक अर्ब ३ करोड ८२ लख समेत रु एक अर्ब ४ करोड २० लाख रुपैयाँ अनुदान उपलब्ध गराएकोमा मन्त्रालयले खर्चको उत्पादकत्व अनुगमन एवम् मूल्याङ्कन गरी विवरण तयार नगरेको र अनुदान प्राप्त गर्ने संस्थाबाट लेखा परिक्षण प्रतिवेदन पनि पेश नभएको हुँदा खर्च एवम् अनुदानको उपयोग सुनिश्चित गर्न सकिएन । प्रचलित कानुन बमोजिम लेखा परिक्षण गराई खर्चको अनुगमन एवम् मूल्याङ्कन गरेर अनुदान उपयोग एवम् खर्चको सुनिश्चितता गर्नुपर्दछ ।’
