काठमाडौं । स्वास्थ्य बीमा बोर्डले बिरामीलाई स्वास्थ्य बीमा अन्तर्गत उपलब्ध गराउँदै आएको कडा खालका प्रति जैविक (एण्टीबायोटिक) औषधीहरु सुविधा थैलीबाट हटाएको छ। बोर्डले स्वास्थ्य बीमा कार्यक्रम अन्तर्गतको सुविधा थैलीबाट कडा खाले प्रति जैविक औषधीहरु एमोक्सिसिलिन, सेफोपेराजोन सेफोटाजाइम सेफपोडोजाइम प्रोजेटिल हटाएको हो ।
बोर्डका अनुसार औषधी व्यवस्था विभागको गत भदाै ३१ गते सिफारिश नगरिएका प्रति जैविक औषधीको दर्ता, नविकरण, पैठारी र प्रयोग नगर्न गरेको निर्णयको आधारमा सुविधा थैलीबाट यी औषधी हटाइएको हो । बोर्डले बीमा कार्यक्रम अन्तर्गत उपचार सेवा लिन आउने बिरामीलाई प्रतिबन्धित औषधीहरु सिफारिश नगर्न अनुरोध समेत गरेको छ।
