काठमाडौँ । स्वास्थ्य बीमा बोर्डका सदस्य डा. सतिशकुमार देवले राजिनामा दिएका छन् ।उनले व्यक्तिगत कारण देखाएर राजिनामा दिएको बताएका छन् । तर स्वास्थ्य मन्त्रालयले बोर्डका पदाधिकारी तथा सदस्यहरुसँग तीन दिनभित्र जवाफ दिनु भन्दै दोस्रो पटक स्पष्टीकरण सोधेपछि उनले राजिनामा दिएको बुझिएको छ ।
डा. देव गत २० मंसिर २०७५ मा मन्त्रीस्तरीय निर्णय मार्फत बोर्ड सदस्यमा नियुक्त भएका थिए । यसअघि बोर्डका कार्यकारी निर्देशक रमेशकुमार पोखरेलले पनि गत बुधबारबाट लागू हुने गरी राजिनामा दिइसकेका छन् ।
