काठमाडाैं । विश्व पुनर्बीमा बजारमा पुनर्बीमा कम्पनीकाे पूँजी सन् २०२३ काे अर्द्ध वार्षिक अवधिमा १३ प्रतिशतले वृद्धि भएकाे छ । पुनर्बीमा कम्पनी गलाघर रिले सार्वजनिक गरेकाे प्रतिवेदन अनुसार पुनर्बीमा सूचकांक समूहको आधारमा विश्वव्यापी पुनर्बीमा उद्योगको पूँजी र नाफामा गहिरो विश्लेषण प्रदान गरेकाे छ।
ग्लोबल पुनर्बीमा समर्पित पूँजी २०२३ को अर्द्ध वार्षिक अवधिमा ७०९ अर्ब अमेरिकी डलर थियो। यो पूँजी पुनर्बीमा उद्याेगकाे वर्ष २०२२ मा कायम कूल पूँजीकाे तुलनामा १३ प्रतिशतकाे वृद्धि हाे । गलाघरले बलियो लगानी प्रदर्शन र निरन्तर रूपमा जाेखिमांकन नतिजाहरूमा सुधारका कारण पूँजी वृद्धिमा याेगदान पुगेकाे उल्लेख गरेकाे छ।
नेपाल पुनर्बीमा कम्पनीकाे पूँजीमा पनि सन् २०२३ काे पहिलाे अर्द्धवार्षिक अवधिमा वृद्धि देखिएकाे छ। नेपाल पुनर्बीमाले अघिल्लाे आव २०७८।७९ काे नाफाबाट ४.७५ प्रतिशत अर्थात ५८ कराेड २५ लाख रूपैयाँ बराबरकाे ५८,२५, ००० कित्ता बाेनश शेयर वितरण गरेकाे थियाे ।
यसवर्ष पहिलाे अर्द्धवार्षिक अवधिमा विश्वव्यापी पुनर्बीमा उद्योगको पूँजी पर्याप्तता बलियो रह्यो । पुनर्बीमककाे संयुक्त अनुपात ८७.६ प्रतिशत (२०२२ अर्द्ध वार्षिक अवधि: ८९.२ प्रतिशत) मा सुधार भयो। अन्तर्निहित संयुक्त अनुपात पनि ९५ .४ प्रतिशत (२०२२ अर्द्ध वार्षिक: ९७.७ प्रतिशत) मा सुधार गर्न जारी छ। विशेष गरी अन्तर्निहित संयुक्त अनुपात दश वर्षमा हासिल गरेको सबैभन्दा बलियो अण्डरराइटिङ कार्यसम्पादन रहेकाे गलाघर रिले उल्लेख गरेकाे छ।
