काठमाडौं । चिलिमे जलविद्युत कम्पनीले चालु आर्थिक वर्षको दोस्रो त्रैमाससम्मको अपरिष्कृत वित्तीय विवरण सार्वजनिक गरेको छ। समीक्षा अवधिसम्म कम्पनीले ३५ करोड ९१ लाख रुपैयाँ नाफा आर्जन गरेको छ। अघिल्लो वर्ष यही अवधिसम्म कम्पनीले ४० करोड १२ लाख रुपैयाँ नाफा आर्जन गरेको थियो। अघिल्लो वर्षको तुलनामा समीक्षा अवधिमा कम्पनीको नाफामा ५.५१ प्रतिशतको संकुचन आएको छ।
दोस्रो त्रैमाससम्म विद्युत बिक्रीबाट ६१ करोड २० लाख रुपैयाँ आम्दानी गरेको छ। अघिल्लो वर्ष यस्तो आम्दानी ६२ करोड ४८ लाख रुपैयाँ थियो। विद्युत बिक्रीको आम्दानी पनि २.०६ प्रतिशतले घटेको छ।
चुक्तापुँजी ७ अर्ब ९८ करोड रुपैयाँ रहेको कम्पनीको रिटेन्ड अर्निङको आकार १५.४९ प्रतिशतले घटेर २ अर्ब ५३ करोड रुपैयाँमा खुम्चिएको छ। अघिल्लो वर्ष रिटेन्ड अर्निङमा ३ अर्ब ४० लाख रुपैयाँ थियो।
कम्पनीको वार्षिक प्रतिशेयर आम्दानी (ईपीएस) घटेर ९.४० रुपैयाँ कायम भएको छ। अघिल्लो वर्ष ईपीएस १०.७४ रुपैयाँ थियो। पीई रेसियो ५५.२० गुणा रहेको कम्पनीको प्रतिशेयर नेटवर्थ १३१.८० रुपैयाँ रहेको छ।
