राष्ट्रिय बीमा कम्पनी र नेपाल पुनर्बीमा कम्पनी बीच पुनर्बीमा सम्झौता भएको छ ।
सम्झौता भए सँगै कम्पनीले जारी गरेको कर्मचारी संचयकोषका ६ लाख संचयकर्ताहरुको वार्षिक १ लाख रुपैयाँ सम्मको औषधोपचार र १० लाख रुपैयाँ सम्मको घातक रोगको उपचारको लागि पुनर्बीमा ब्यवस्था भएको छ ।
कम्पनीको केन्द्रीय कार्यालयमा राष्ट्रिय बीमा कम्पनीको तर्फवाट प्रमुख कार्यकारी अधिकृत बीरविक्रम रायमाझी र नेपाल पुनर्बीमा कम्पनीको तर्फवाट प्रमुख कार्यकारी अधिकृत चिरायु भण्डारीले यस सम्वन्धी सम्झौतापत्रमा हस्ताक्षर गरेका छन् ।
