यूनियन लाइफ इन्स्योरेन्सका जीवन बीमा योजनाहरु ‘बैंक अफ काठमाण्डू’ बाट खरिद गर्न सकिने भएको छ, सो सम्बन्धि यूनियन लाइफ इन्स्योरेन्स र बैंक अफ काठमाण्डू लिमिटेड बिच बैंकासुरेन्स संझौता भएको छ। संझौतापत्रमा इन्स्योरेन्स कम्पनीका तर्फबाट नायब महाप्रबन्धक कोषराज सुबेदी र बैंक अफ काठमाण्डूका तर्फबाट बजार व्यवस्थापन प्रमुख रितेश लामिछानेले हस्ताक्षर गरेका छन्।
संझौता अनुसार यूनियन लाइफ इन्स्योरेन्सका बीमा योजना बैंकले ग्राहक तथा बीमा गर्न चाहने सर्बसाधारणहरुलाई बिक्रि वितरण गर्ने छ । जीवन बीमा क्षेत्रमा पछिल्लो अवधिमा आएका नयाँ बीमा कम्पनीहरु मध्ये यूनियन लाइफ इन्स्योरेन्स अग्रणी बन्न सफल भएको छ भने, पुराना जीवन कम्पनीहरुलाई समेत कडा टक्कर दिन सफल भएको छ।
जीवन बीमा ब्यवसायको माध्यमबाट देशभर छरिएर रहेकोे आर्थिक श्रोत र साधनलाई जीवनबीमा शुल्कका रुपमा संकलन गरी देशको आर्थिक बिकासमा योगदान पुर्याउने र समग्र नेपालीहरुको आर्थिक जीवनस्तर सुदृढ तुल्याउने अभिप्रायले स्थापित यूनियन लाइफ इन्स्योरेन्सले गत आर्थिक वर्ष ८६ करोड ५० लाख बीमाशुल्क संकलन गर्न सफल भएको छ । कम्पनीले जनउपयोगी बीमा योजनाहरु ल्याएर बीमा बजारमा पृथक पहिचान बनाउन सफल भएको छ, भने कम्पनीको देशब्यापी उपस्थिती बढाउन शाखा तथा उपशाखा बिस्तारलाई तिब्रता दिईरहेको जनाएको छ ।
