काठमाडौं। कोभिड १९ ले बीमा व्यवसायमा नोक्सान हुँदा पनि जर्मनको पुनर्बीमा कम्पनी म्युनिख रि इन्स्योरेन्सले सन् २०२० मा १.२ अर्ब युरो मुनाफा आर्जन गरेको छ। तर सन् २०१९ को तुलनामा भने कम्पनीको मुनाफा ५५ प्रतिशलते घटेको हो। सन् २०२१ मा म्युनिङको मुनाफा २.७ अर्ब युरो थियो।
कोभिड १९ का कारण कम्पनीमा यस वर्ष ३.४ अर्ब युरोको दाबी परेको छ। सम्पत्ती बीमालेखबाट मात्रै तीन अर्ब युरोको दाबी परेको कम्पनीले जनाएको छ। त्यस्तै स्वास्थ्य पुनर्बीमालेखमा पनि ३७ करोड युरोको दाबी परेको छ।
कम्पनीले सन् २०२० मा २.८ अर्ब युरो नाफा गर्ने लक्ष्य लिएको थियो। तर कोभिड १९ का कारण सफल हुन नसकेको कम्पनीले जनाएको छ। प्राकृतिक विपत्तीका कारण कम्पनीको पुनर्बीमा व्यवसायमा ९० करोड ६० लाख युरोको नोक्सानी देखिएको छ।
सन् २०२० मा कम्पनीको खुद बीमा शुल्क आर्जन ६.७ प्रतिशतले बृद्धि भएको छ। सन् २०१९ मा कम्पनीको खुद बीमा शुल्क आर्जन ५१ अर्ब युरो थियो। कम्पनीले सन् २०२१ मा २.८ अर्ब युरो मुनाफा आर्जन गर्ने लक्ष्य तय गरेको छ। खुद बीमा शुल्क आर्जको लक्ष्य ५५ अर्ब युरोको छ।
