महालक्ष्मी लाईफ इन्स्योरेन्स लिमिटेड र लक्ष्मी बैंक लिमिटेडबीच बीमा सेवा सम्झौता भएको छ । सम्झौतापत्रमा महालक्ष्मी लाईफको तर्फबाट प्रमुख कार्यकारी अधिकृत रमेश कुमार भट्टराई र लक्ष्मी बैंक लिमिटेडको तर्फबाट प्रमुख कार्यकारी अधिकृत अजय बिक्रम शाहले हस्ताक्षर गरेका छन् ।
सम्झौता अनुसार लक्ष्मी बैंक लिमिटेडले देशभर रहेका आफ्ना १०६ शाखाहरुबाट महालक्ष्मी लाईफ इन्स्योरेन्स लिमिटेडको जीवन बीमा योजनाहरु बिक्री गर्नेछ।
महालक्ष्मी लाईफ इन्स्योरेन्सले साबधिक बीमा योजना, डबल साबधिक बीमा योजना र लगानी फिर्ता बीमा योजना सार्वजनिक गर्दै २०७५ माघ २७ गतेबाट कारोबार प्रारम्भ गरी पूर्व मेची देखि पश्चिम महाकाली सम्म २७ वटा शाखाहरू तथा उपशाखा कार्यालयहरूबाट कारोबार प्रारम्भ गरिसकेको छ।
