मल्टिपर्पोज फाइनान्सले असार २३ गतेबाट हकप्रद शेयर विक्री गर्ने भएको छ । संस्थाले १ः८.६५ को अनुपातमा ३५ लाख ८५ हजार २ सय ६४ कित्ता हकप्रद सेयर बिक्री गर्न लागेको हो । उक्त हकप्रद शेयरमा साउन २६ गतेसम्म आवेदन दिन सकिनेछ । हकप्रद निष्काशन तथा बिक्री प्रबन्धकमा सिभिल क्यापिटल रहेको छ ।
फाइनान्सले प्रतिकित्ता १ सय रुपैयाँको दरले कुल ३५ करोड ८५ लाख २६ हजार ४ सय रुपैयाँ बराबरको हकप्रद निष्कासन गर्न लागेको हो । हाल यस फाइनान्सको चुक्ता पुँजी ४ करोड १४ लाख ७३ हजार ६ सय रुपैयाँ रहेको छ । हकप्रद बिक्रीपछि पुँजी ४० करोड रुपैयाँ पुग्नेछ ।
यो हकप्रदलाई इक्रा नेपालले कमजोर आधार जनाउने ग्रेड ५ रेटिङ प्रदान गरेको छ । मल्टिपर्पोज फाइनान्सको सम्पूर्ण शाखा तथा बिक्री प्रबन्धक सिभिल क्यापिटलबाट यसमा आवेदन दिन सकिनेछ ।
