काठमाडौं । मञ्जुश्री फाइनान्सले आजदेखि संस्थापक शेयर विक्री गर्ने भएको छ । कम्पनीले कम्पनीका संस्थापक शेयरधनी नाममा रहेको उक्त शेयर विक्री गर्न लागेको जनाएको छ ।
शेयरको प्रतिकित्ता मूल्य भने तोकिएको छैन । कम्पनीले विद्यमान संस्थापक शेयरधनीहरुले मात्र खरीद गर्न पाउने गरी उक्त शेयर विक्री गर्न लागेको हो ।
उक्त शेयर खरीदका लागि सूचना प्रकाशित भएको मितिले ३५ दिनभित्र विद्यमान संस्थापक शेयरधनीहरुले कम्पनीको केन्द्रीय कार्यालय नयाँ बानेश्वर, काठमाडौंमा आफूले खरीद गर्न चाहेको शेयर कित्ताको व्योहोरा खुलाई निवेदन पेश गर्नु पर्नेछ ।
तोकिएको अवधिभित्र विद्यमान संस्थापक शेयरधनीहरुबाट आवेदन नपरेमा भने अन्य व्यक्ति तथा संस्थाहरुमा शेयर विक्री गर्ने कम्पनीले जनाउको छ ।
