काठमाडौं । नेपाल बीमक संघले लघुवित्त कार्यक्रम सञ्चालन गर्न सहायक पदमा कर्मचारी भर्ना गर्ने भएको छ । सो प्रयोजनको लागि आवेदन माग गरेको हो । गत साउन २३ गते खुल्ला गरिएको, सात दिन आवेदन दिने मिति भएको सो आवेदनको भोलि अन्तिम दिन हो ।
बीमक संघले २०१७ देखि यूके एआईडीको सहयोगमा एमएफआईएसमार्फत कम आय भएका परिवारलाई माइक्रो बीमा आयोजना सञ्चालन गर्दै आएको बीमक संघका सचिव तथा सगरमाथा इन्स्योरेन्सका सिईओ चंकी क्षेत्रीले इन्स्योरेन्स खवरलाई बताए । लघुबीमा कार्यक्रमका लागि संघले कर्मचारी माग गरेको हो ।
स्नातक तह, स्नातकोत्तर तह अध्ययन गरेका बीमा र माइक्रोफाइन्स र विकास संगठन वा अन्य प्रतिष्ठित संगठनमा २ वर्षको अनुभवका साथै बीमा क्षेत्रको राम्रो अनुभव भएको आवेदकलाई बिशेष प्राथमिकता दिने आवेदनमा उल्लेख छ ।
