काठमाडौं । नेपाल बीमा प्राधिकरणले सबै बीमकलाई बाढीपीडितलाई सहयोगार्थ प्रधानमन्त्री दैवीप्रकोप राहात कोषमा यथाशक्य रकम जम्मा गरिदिन निर्देशन दिएको छ।
प्राधिकरणले सबै बीमक, लघु बीमक र पुनर्बीमकका नाममा आज परिपत्र जारी गर्दै यस्तो निर्देशन दिएको हो। हालैको बाढीपहिरोका कारण देशका विभिन्न भूभागमा ठूलो जनधनको क्षति भएको यस विषम परिस्थित आवश्यक सहयोग गर्न अपरिहार्य देखिएको प्राधिकरणले जनाएको छ।
सबै बीमकलाई अपरिहार्य रुपमा सामाजिक उत्तरदायित्व कोष वा अन्य कुनै कोषबाट राहात कोषमा तत्काल रकम जम्मा गरी सहयोग गर्न प्राधिकरणले निर्देशन दिएको छ।
