काठमाडौँ फाल्गुन २९। माछापुच्छ्रे बैंकले ग्राहकहरुलाई सेवा सुविधा थप्नेक्रममा ‘एमबीएल स्मार्ट बचत’ खाता संचालनमा ल्याएको छ । बैंकमा नै धाउनु नपर्ने विद्युतीय माध्यमबाटै खाता सञ्चालन गरि ग्राहकलाई प्रोत्साहित गर्ने उद्देश्यले बैंकले स्मार्ट बचत खाता सञ्चालनमा ल्याएको हो ।
खातामार्फत ग्राहकले विभिन्न स्मार्ट सुविधाहरु निःशुल्क प्राप्त गर्नेछन् भने न्युनतम ५ हजार रूपैयाँ बचतमा बैंकले ६ प्रतिशत ब्याज दिने बैंकले जनाएको छ ।
साथै खाता खोलेपछि ग्राहकहरुले अब घरमै बसी आफ्नो बचतलाई मुद्दतीमा रुपान्तर समेत गर्न सक्ने बैंकले जनाएको छ ।
सुविधाहरु ग्राहकहरुले ईन्टरनेट बैकिङ्ग सुविधा, एमबिएल मोबाइलमनी, डेबिट, क्रेडिट कार्ड, डिम्याट खाता, मेरो सेयर सुविधा, सि–आश्वा सुविधा, अन्तर शाखा कारोबार सुबिधा लकर लगायतका सुविधा रहेका छन ।
बैंकले ६२ वटा शाखाहरु, ४ वटा एक्स्टेन्सन काउन्टरहरु लगायत १४ शाखा रहित बैकिङ्ग सेवा समेत गरी जम्मा ८० स्थानबाट बैंकिङ्ग सुबिधा दिईरहेको छ भने देशभर ८६ वटा एटीएमहरु संचालनमा रहेको छ ।
