काठमाडौं । नेपाल पुनर्बीमा कम्पनीले निष्काशन गरेको आईपिओ दोस्रो दिन नै सबै बिक्री भएको छ । कम्पनीले आह्वान गरेको सबै कित्तालाई पुग्ने आवेदन परिसकेको बिक्री प्रबन्धक आरबीबी मर्चेन्ट बैंकिङले जनाएको छ । निष्काशन गरेको २७ घण्टामै आवेदन गरेभन्दा पनि बढि आवेदन परेको हो ।
कम्पनीले जम्मा एक करोड ६० लाख कित्ता शेयरमा आवेदन माग गरेको थियो । एक करोड ९० लाख कित्ता शेयरमा आवेदन परेको छ ।
आज अपरान्ह १३ः०० बजेसम्मको तथ्याङ्क अनुसार एक अर्ब ९० करोड ४० लाख २७ हजार रुपैयाँको आवेदन परेको छ । आरबीबी मर्चेन्ट बैंकिङका अनुसार हालसम्म एक लाख ४८ हजार ८६१ जनाले आवेदन भरिसकेका छन् । आगामी ७ गतेसम्म आवेदन भर्न पाइने हुँदा उक्त संख्या झण्डै पाँच लाख पुग्ने अनुमान गरिएको छ ।
यही चैत्र ७ गते अपरान्ह ५ः०० बजेसम्म आवेदन भर्ने सबैलाई उक्त आईपिओमा सहभागी गराई निश्चित विधिमार्फत शेयर बाँडफाँड गरिनेछ ।
