काठमाडौं । नेपाल इन्स्योरेन्स कम्पनी लिमिटेडले भदौ ८ गतेदेखि संस्थापक समूहको शेयर लिलाम बढाबढ गरी सर्वसाधारणमा विक्री गर्ने जनाएको छ । कम्पनीले एक सुचना जारी गर्दै कम्पनीको २१ लाख ५७ हजार ६१५ कित्ता संस्थापक शेयर लिलामी मार्फत विक्री गर्न लागेको जनाएको छ ।
विक्री गर्न लागेको उक्त शेयरको मुल्य ३२५ रुपैयाँ रहेको छ । उक्त शेयरमा न्यूनतम १०० कित्ताका लागि आवेदन दिन सकिने कम्पनीले सोही सुचनामा उल्लेख गरेको छ । संस्थापक शेयर विक्री गर्दा पहिलो प्रथामिकता संस्थापक शेयरधनीलाई नै प्राथमिकता दिनुपर्ने भएकाले कम्पनीले असार २४ गते उक्त शेयर बेच्न ३५ दिने सुचना जारी गर्दा उक्त शेयरका लागि कुनै आवेदन नपरेपछि लिलामी मार्फत विक्रीमा ल्याएको हो ।
खरीद गर्न योग्य इच्छुक जो कोही व्यक्ति, कम्पनी वा संस्थाले उक्त संस्थापक शेयरमा भदौ २२ गतेभित्र विक्री प्रबन्धक ग्लोबल आइएमई क्पापिटल लिमिटेड नक्सालका साथै ग्लोबल आइएमई बैंक काठमाडौं उपत्यका बाहेक बाहिरका विभिन्न शाखा कार्यालयहरुमा शिलबन्दी बोलपत्र आवेदन पेश गर्न कम्पनीले आग्रह गरेको छ ।
