काठमाडौं । पछिल्लो समय जन्मदिन , विवाह तथा अन्य शुभ कार्यमा बीमा पोलिसी उपहार दिने प्रचलन बढ्दै आएको छ। यसै सन्दर्भमा बुढानिलकण्ठ नगरपालिका वडा नं ११ निवासी समाजसेवी टिकाराम पुरीले आफ्नो जेष्ठ सुपुत्र प्रदीप पुरीको बैवाहिक समारोहमा नव विवाहित बुहारी लक्ष्मी पुरीलाई १० लाख बराबरको बीमा पोलिसी उपहार दिएका छन् । उनले सिटिजन लाइफ इन्स्योरेन्स कम्पनीको सिटिजन शुभारम्भ बीमा पोलिसी उपहार प्रदान गरेका हुन् ।
सिटिजन लाइफ इन्स्योरेन्स कम्पनी लिमिटेडका सकृय एजेन्सी म्यानेजर समेत रहेका टिकाराम पुरीले समाजमा बीमाको सचेतना अभिवृद्धि गर्दै आएको म येस्तो शुभ अवसरमा बुहारीलाई बीमा उपहार दिन पाएकोमा हषिर्त रहेको बताए ।
उक्त कार्यक्रममा कम्पनीको तर्फबाट प्रमुख व्यवसाय अधिकृत सुनिल पोखरेल , क्षेत्रीय शाखा प्रमुख श्री मुरली भण्डारी , महाराजगन्ज शाखा प्रमुख राजेन्द्र घिमिरे तथा सक्रिय सिनियर एजेन्सी म्यानेजर धर्म प्रसाद बरालको उपस्थिति थियो ।
