काठमाडौं । सरकारी सामाजिक सुरक्षा कार्यक्रम अन्तर्गतको महत्वपूर्ण दुई बीमा योजनामा चर्को घाटा खेप्नु परेपछि भारत सरकारले बीमाशुल्क दरमा वृद्धि गरेको छ । भारत सरकारले प्रधानमन्त्री जीवन ज्योती बीमा योजना र स्वास्थ्य बीमा योजनाको बीमाशुल्क दरमा क्रमशः ३२ र ६७ प्रतिशतसम्म वृद्धि गरेको छ ।
केन्द्र सरकारले यी दुबै महत्वकांक्षी बीमा योजनाहरुलाई निरन्तरता दिनको लागी वित्तीय भार कम गर्नुपर्ने बाध्यताको कारण बीमाशुल्क दरमा वृद्धि गरेको जिकिर गरेको छ । प्रेस ट्रष्ट अफ इण्डियाका अनुसार मे २०१५ मा लागू गरिएको यी दुबै बीमा योजनाको पहिलो पटक बीमाशुल्क वृद्धि गरिएको हो ।
